వచ్చే ఏడాది జనవరి 11 నుంచి న్యూజిలాండ్‌తో ప్రారంభం కానున్న మూడు వన్డేల సిరీస్ కోసం టీమ్ ఇండియా సిద్ధమవుతోంది. ఐపీఎల్ 2026 కంటే ముందు జరగనున్న చివరి వన్డే సిరీస్ కావడంతో దీనిపై సర్వత్రా ఆసక్తి నెలకొంది. ఈ సిరీస్‌లో భారత జట్టు సారథిగా శుభ్‌మన్ గిల్ బాధ్యతలు చేపట్టనుండగా, కేఎల్ రాహుల్ వైస్ కెప్టెన్‌గా వ్యవహరించనున్నారు. రోహిత్ శర్మ, విరాట్ కోహ్లీ అద్భుతమైన ఫామ్‌లో ఉండటం జట్టుకు పెద్ద ఊరటనిచ్చే అంశం.

చాలా కాలం తర్వాత వెటరన్ పేసర్ మహమ్మద్ షమీ జట్టులోకి పునరాగమనం చేయనున్నారు. బుమ్రా, అర్ష్‌దీప్ సింగ్‌లకు విశ్రాంతి ఇచ్చే అవకాశం ఉండటంతో షమీ అనుభవం జట్టుకు కీలకం కానుంది. వీరితో పాటు దూకుడుగా ఆడే ఇషాన్ కిషన్, రింకూ సింగ్‌లను కూడా వన్డే జట్టులోకి ఎంపిక చేసే అవకాశాలు ఉన్నాయి. శ్రేయాస్ అయ్యర్ ఇంకా పూర్తి ఫిట్‌నెస్‌ సాధించకపోవడంతో రాహుల్‌కు జట్టు మేనేజ్‌మెంట్ వైస్ కెప్టెన్ బాధ్యతలను అప్పగించింది.