வேளச்சேரி மற்றும் பரங்கிமலை இடையே பெரிதும் எதிர்பார்க்கப்பட்ட பறக்கும் ரயில் சேவை நாளை மார்ச் 10ஆம் தேதி தொடங்காது என்று அறிவிக்கப்பட்டுள்ளது. ரயில்வே பாதுகாப்பு ஆணையர் மேற்கொண்ட ஆய்வில் கண்டறியப்பட்ட தொழில்நுட்ப மற்றும் பாதுகாப்பு குறைபாடுகளை சரிசெய்ய அறிவுறுத்தப்பட்டுள்ளது. இந்த மாற்றங்களைச் செய்ய கூடுதல் காலம் தேவைப்படுவதால், திட்டமிட்டபடி நாளை ரயில்கள் இயக்கப்படாது என்று அதிகாரப்பூர்வமாகத் தெரிவிக்கப்பட்டுள்ளது.

பரங்கிமலை வரையிலான இந்த இணைப்பு மெட்ரோ மற்றும் புறநகர் ரயில்களுடன் எளிதாக இணைய உதவும் என்பதால் பயணிகள் மிகுந்த ஏமாற்றம் அடைந்துள்ளனர். பாதுகாப்பு ஆணையரின் இறுதி ஒப்புதல் கிடைத்த பின்னரே இந்தச் சேவையின் புதிய தொடக்கத் தேதி அறிவிக்கப்படும். பயணிகள் நலன் கருதி விரைவில் பணிகளை முடிக்க ரயில்வே நிர்வாகம் திட்டமிட்டுள்ளது.