முன்னாள் ராணுவ தளபதி எம்.எம். நரவனே எழுதிய ‘ஃபோர் ஸ்டார்ஸ் ஆஃப் டெஸ்டினி’ புத்தகம் அரசியல் வட்டாரத்தில் பெரும் பரபரப்பை ஏற்படுத்தியுள்ளது. ராகுல் காந்தி இந்த விவகாரத்தை முன்வைத்து மத்திய அரசை விமர்சித்து வரும் நிலையில், டெல்லி போலீஸார் இது தொடர்பாக பதிப்பகத்திற்கு நோட்டீஸ் அனுப்பி விசாரணை நடத்தி வருகின்றனர்.

புதிய விதிகள் தேவையில்லை என்று பாதுகாப்பு செயலாளர் ராஜேஷ் குமார் சிங் தெளிவுபடுத்தியுள்ளார். அரசு ரகசிய காப்புச் சட்டம் போன்ற நடைமுறையில் உள்ள சட்டங்களே போதுமானது என்றும் அவர் கூறினார். விதிகளுக்குப் புறம்பாக ஏதேனும் தகவல்கள் பகிரப்பட்டுள்ளதா என்பது குறித்து தற்போது தீவிர ஆய்வு மேற்கொள்ளப்பட்டு வருகிறது.