இந்தியா மற்றும் இஸ்ரேல் இடையிலான தடையற்ற வர்த்தக ஒப்பந்தம் (FTA) தொடர்பான முக்கிய பேச்சுவார்த்தை வரும் ஜனவரி மாதம் நடைபெற உள்ளது. இரு நாடுகளுக்கும் இடையிலான வர்த்தகம் மற்றும் முதலீடுகளை மேம்படுத்துவதை நோக்கமாகக் கொண்டு, இந்த ஒப்பந்தத்திற்கான விதிமுறைகளில் ஏற்கனவே கையெழுத்திடப்பட்டுள்ளது. ஜனவரி கூட்டத்தில் இந்த ஒப்பந்தத்தின் கட்டமைப்பு மற்றும் முக்கிய அம்சங்கள் குறித்து இறுதி முடிவு எடுக்கப்படும் என்று எதிர்பார்க்கப்படுகிறது.

தற்போது வைரங்கள், பெட்ரோலிய பொருட்கள் மற்றும் ரசாயனங்கள் ஆகியவற்றில் இரு நாடுகளும் வலுவான வர்த்தக உறவைக் கொண்டுள்ளன. சமீபத்திய காலங்களில் மின்னணு இயந்திரங்கள் மற்றும் மருத்துவ உபகரணங்கள் துறையிலும் வர்த்தகம் விரிவடைந்துள்ளது. கடந்த நிதியாண்டில் இருதரப்பு வர்த்தகத்தில் சரிவு ஏற்பட்டாலும், இந்த புதிய ஒப்பந்தம் ஆசியாவின் முக்கிய வர்த்தக பங்காளியான இந்தியாவுடனான பொருளாதார உறவை மீண்டும் வலுப்படுத்தும் என்று கருதப்படுகிறது.