இந்த ஞாயிற்றுக்கிழமை நடைபெறவுள்ள டி20 உலகக்கோப்பை போட்டியில் இந்தியா மற்றும் பாகிஸ்தான் அணிகள் மோதுகின்றன. இந்த முக்கியமான ஆட்டத்தில் சூர்யகுமார் யாதவ் தலைமையிலான இந்திய அணி வெற்றி பெறும் என்று பலரும் கருதினாலும், முன்னாள் கேப்டன் ரோஹித் சர்மா இந்தியாவை ஃபேவரைட்டாக ஏற்க மறுத்துள்ளார். துபாயில் நடந்த ஒரு நிகழ்ச்சியில் பேசிய அவர், புள்ளிவிவரங்களுக்கு இந்த போட்டியில் இடமில்லை என்று கூறினார்.

குறிப்பிட்ட நாளில் சிறப்பாக விளையாடும் அணியே வெற்றி பெறும் என்று ரோஹித் தெரிவித்தார். பாகிஸ்தான் அணியை சாதாரணமாக எடை போட வேண்டாம் என்று எச்சரித்த அவர், டி20 கிரிக்கெட்டில் எந்த அணியும் யாரையும் வீழ்த்தும் திறன் கொண்டது என்றார். எனவே கடந்த கால சாதனைகளை மறந்து, களத்தில் சிறப்பான ஆட்டத்தை வெளிப்படுத்துவதே அவசியம் என்று அவர் வலியுறுத்தியுள்ளார்.