లోక్‌సభ ప్రతిపక్ష నేత రాహుల్ గాంధీకి సుప్రీంకోర్టు నుండి బిగ్ రిలీఫ్ లభించింది. రాహుల్ గాంధీపై నమోదైన ఆదాయానికి మించిన ఆస్తుల కేసులో అన్ని రకాల చర్యలను నిలిపివేయాలని సుప్రీంకోర్టు ఆదేశించింది. సోమవారం దేశ అత్యున్నత న్యాయస్థానం అలహాబాద్ హైకోర్టుకు ఈ మేరకు ఉత్తర్వులు జారీ చేసింది.

కాంగ్రెస్ నాయకుడు రాహుల్ గాంధీపై ఆదాయానికి మించిన ఆస్తులు కలిగి ఉన్నారనే ఆరోపణలు వచ్చాయి. ఈ ఆరోపణలను పరిశీలించి విచారణ జరపాలని సీబీఐ (CBI), ఈడీ (ED)లను అలహాబాద్ హైకోర్టు ఆదేశించింది. ఆ ఉత్తర్వులను సవాలు చేస్తూ రాహుల్ గాంధీ సుప్రీంకోర్టును ఆశ్రయించారు.

అయితే, రాహుల్ సవాలుపై విచారణ పూర్తయ్యే వరకు ఆయనపై ఈ కేసులో ఎటువంటి చర్యలు తీసుకోకూడదని సుప్రీంకోర్టు స్పష్టం చేసింది. అలహాబాద్ హైకోర్టుకు ఈ మేరకు ఆదేశాలు జారీ అయ్యాయి.