వారణాసిలో దారుణం చోటుచేసుకుంది. తన తల్లి సోనా శర్మ మరియు ఆమె ప్రియుడు ఫైజాన్‌ను అభ్యంతరకర స్థితిలో చూసినందుకు 10 ఏళ్ల సూరజ్ అనే బాలుడు ప్రాణాలు కోల్పోయాడు. విషయం బయటకు పొక్కుతుందనే భయంతో ఫైజాన్ ఆ బాలుడిని గొంతు నులిమి చంపేసి, మృతదేహాన్ని పొదల్లో పడేశాడు. బాలుడు కనిపించడం లేదంటూ తల్లి స్వయంగా పోలీసులకు ఫిర్యాదు చేయడం గమనార్హం.

పోలీసులు సీసీటీవీ దృశ్యాల ఆధారంగా నిందితుడు ఫైజాన్‌ను పట్టుకున్నారు. తప్పించుకోవడానికి ప్రయత్నించిన నిందితుడిపై పోలీసులు జరిపిన కాల్పుల్లో అతడి కాలికి గాయమైంది. ప్రస్తుతం ఫైజాన్ తన నేరాన్ని అంగీకరించాడు. ఈ హత్యలో తల్లి పాత్రపై కూడా అనుమానాలు ఉండటంతో, పోలీసులు ఆమెను అదుపులోకి తీసుకుని విచారిస్తున్నారు.