2016లో భారత సైన్యం చేపట్టిన సర్జికల్ స్ట్రైక్ గురించి మాజీ లెఫ్టినెంట్ జనరల్ రాజేంద్ర నింబోర్కర్ ఒక ఆసక్తికరమైన విషయాన్ని వెల్లడించారు. నియంత్రణ రేఖ దాటి పాకిస్థాన్ భూభాగంలోకి 15 కిలోమీటర్ల లోపలికి వెళ్లే సమయంలో, స్థానిక కుక్కలు మొరిగి శత్రువులను అప్రమత్తం చేయకుండా ఉండటానికి సైన్యం చిరుతపులి మలమూత్రాలను ఉపయోగించింది. చిరుతపులి వాసన వస్తే కుక్కలు భయపడి పారిపోతాయనే జంతు స్వభావాన్ని ఆసరాగా చేసుకుని ఈ వినూత్న వ్యూహాన్ని అమలు చేశారు. దీనివల్ల కుక్కలు నిశ్శబ్దంగా ఉండటంతో భారత సైన్యం శత్రువుల కంటపడకుండా ముందుకు సాగగలిగింది.

ఉరీ ఉగ్రదాడికి ప్రతీకారంగా చేపట్టిన ఈ ఆపరేషన్‌లో దాదాపు 50 మంది ఉగ్రవాదులు హతమయ్యారు. ‘రా’ మరియు మిలిటరీ ఇంటెలిజెన్స్ అందించిన ఖచ్చితమైన సమాచారంతో ఉగ్రవాద లాంచింగ్ ప్యాడ్‌లపై సైన్యం మెరుపు దాడి చేసింది. ఆపరేషన్ రహస్యంగా ఉంచడానికి సైనికులకు కూడా చివరి నిమిషంలోనే లక్ష్యం గురించి వివరించారు. ఈ వ్యూహాత్మక దాడిలో మూడు ఉగ్రవాద శిబిరాలు పూర్తిగా ధ్వంసమయ్యాయి మరియు భారత సైన్యం తన లక్ష్యాన్ని విజయవంతంగా పూర్తి చేసింది.