తమిళనాడు తిరుపత్తూరు జిల్లా పుదూర్నాడు నడుకుప్పం ప్రాంతంలోని పొలంలో 42 ఏళ్ల చిన్నకాళి అనే మహిళ మృతదేహం తీవ్ర గాయాలతో, నగ్నంగా లభ్యం కావడం తీవ్ర కలకలం రేపింది. చిన్నకాళి పేరు మీద ఉన్న 6 ఎకరాల భూమిని తమ పేరు మీద రాయాలని ఆమె కూతురు గీత, అల్లుడు చిదంబరం పదే పదే ఒత్తిడి చేశారు.

ఆస్తి బదిలీ విషయంలో జరిగిన వాగ్వాదం తీవ్రం కావడంతో ఇద్దరూ కలిసి చిన్నకాళిని కొట్టి చంపేశారు. ఈ హత్యను వివాహేతర సంబంధం వల్ల జరిగినట్లుగా చిత్రీకరించడానికి, వారు మృతదేహాన్ని నగ్నంగా వదిలి పారిపోయారు. ఆస్తి కోసం తల్లిని చంపిన ఈ దారుణం రాష్ట్రవ్యాప్తంగా సంచలనం సృష్టించింది.