టీమ్ ఇండియా యువ ఆటగాడు శుభ్‌మన్ గిల్ కెప్టెన్సీ సామర్థ్యంపై మాజీ ఇంగ్లాండ్ స్పిన్నర్ మాంటీ పనేసర్ విమర్శలు గుప్పించారు. గిల్‌లో ప్రతిభ ఉన్నప్పటికీ, అతను మైదానంలో నిర్లక్ష్యంగా ఆడుతున్నాడని మరియు త్వరగా సంతృప్తి చెందుతున్నాడని పనేసర్ అభిప్రాయపడ్డారు. విరాట్ కోహ్లీలో ఉన్న దూకుడు గిల్‌లో లేదని, మూడు ఫార్మాట్లలో కెప్టెన్సీ బాధ్యతలను నిర్వహించడం అతనికి పెను భారమవుతుందని పనేసర్ స్పష్టం చేశారు.

టెస్ట్ క్రికెట్‌లో విరాట్ కోహ్లీ లేకపోవడం వల్ల భారత జట్టు తీవ్రత తగ్గిందని ఆయన పేర్కొన్నారు. కోచ్ గౌతమ్ గంభీర్ పరిమిత ఓవర్ల క్రికెట్‌కు సరిపోతారని, కానీ టెస్టుల్లో ఇంకా నేర్చుకోవాల్సింది చాలా ఉందని వ్యాఖ్యానించారు. యువ ఆటగాళ్లు రంజీ ట్రఫీ కంటే ఐపీఎల్ కాంట్రాక్టులకే ప్రాధాన్యత ఇస్తున్నారని, ఇదే భారత టెస్ట్ జట్టు వైఫల్యానికి కారణమని పనేసర్ విశ్లేషించారు.