జ్యోతిష్య శాస్త్రం ప్రకారం సుమారు 30 ఏళ్ల తర్వాత శని దేవుని గమనంలో ఒక అరుదైన మార్పు వచ్చింది. ఫిబ్రవరి 20, 2026 వరకు శని ‘బాల్యావస్థ’లో (0 నుండి 6 డిగ్రీల వరకు) ఉండటం వల్ల తన కఠినత్వాన్ని వీడనున్నారు. దీనివల్ల ఏల్నాటి శని లేదా అర్ధాష్టమ శని ప్రభావంతో ఇబ్బంది పడుతున్న వారు సైతం మానసిక మరియు ఆర్థిక ఉపశమనం పొందే అవకాశం ఉందని పండితులు పేర్కొంటున్నారు.

ముఖ్యంగా వృషభ, కన్య మరియు సింహ రాశుల వారికి ఈ సమయం ఎంతో లాభదాయకంగా ఉంటుంది. వృషభ రాశి వారికి కొత్త ఉద్యోగ అవకాశాలు, వ్యాపారంలో భారీ లాభాలు కలుగుతాయి. కన్య రాశి వారు పెండింగ్‌లో ఉన్న పనులను పూర్తి చేయడమే కాకుండా కొత్త ఆస్తులను కొనుగోలు చేస్తారు. సింహ రాశి వారికి షేర్ మార్కెట్ లేదా వారసత్వ ఆస్తి ద్వారా అకస్మాత్తుగా ధనం చేకూరుతుంది. అయితే నీతి నియమాలతో ఉండేవారిపైనే శని దేవుని విశేష కృప ఉంటుందని హెచ్చరిస్తున్నారు.