ఉత్తరప్రదేశ్‌లోని బరేలీలో తన కుమార్తె నిఖా వేడుకలో హిందూ స్నేహితులకు ముందుగా శాఖాహార విందు ఇచ్చినందుకు ఒక ముస్లిం రైతు సామాజిక బహిష్కరణకు గురయ్యారు. స్థానిక మౌల్వీల ప్రేరణతో గ్రామస్థులు విందును బహిష్కరించడంతో ఆ కుటుంబానికి లక్షల రూపాయల నష్టం వాటిల్లింది. ఈ ఘటన స్థానికంగా కలకలం రేపింది.

బాధిత తండ్రి పోలీసులకు ఫిర్యాదు చేసినప్పటికీ, తర్వాత గ్రామస్థులు తమ తప్పును ఒప్పుకోవడంతో ఇరువర్గాల మధ్య రాజీ కుదిరింది. దీంతో ఆయన తన ఫిర్యాదును ఉపసంహరించుకున్నారు. ప్రస్తుతం గ్రామంలో పరిస్థితి ప్రశాంతంగా ఉందని పోలీసులు వెల్లడించారు.