మీ గుండె ఎంత ఆరోగ్యంగా ఉందో మీ నాలుక చెప్పగలదు. సాధారణంగా ఆరోగ్యవంతుల నాలుక లేత ఎరుపు రంగులో, పల్చని తెల్లటి పొరతో ఉంటుంది. అయితే నాలుక రంగులో అసాధారణ మార్పులు కనిపించినా లేదా పసుపు రంగు పొర ఏర్పడినా అది హార్ట్ ఫెయిల్యూర్ అయ్యే అవకాశం ఉందని వైద్యులు హెచ్చరిస్తున్నారు. శరీరంలో రక్త ప్రసరణ వ్యవస్థలో మార్పులు వచ్చినప్పుడు దాని ప్రభావం నాలుకపై స్పష్టంగా కనిపిస్తుందని పరిశోధనలు వెల్లడిస్తున్నాయి.

గుండె ఆరోగ్యం కోసం రక్తపోటు, కొలెస్ట్రాల్‌తో పాటు నాలుక స్వభావాన్ని కూడా గమనించాలి. నాలుకపై శాశ్వతంగా గోధుమ రంగు లేదా తెల్లటి మచ్చలు ఉంటే ఏమాత్రం నిర్లక్ష్యం చేయకూడదు. నోటి పరిశుభ్రతను పాటిస్తూ ఇటువంటి ప్రాథమిక లక్షణాలను ముందుగానే గుర్తించడం వల్ల గుండె జబ్బుల ముప్పును తగ్గించుకోవచ్చు. అందుకే క్రమం తప్పకుండా మీ నాలుకను గమనిస్తూ ఆరోగ్య నియమాలు పాటించడం శ్రేయస్కరం.