బెల్లం కేవలం రుచికరమైన ఆహారమే కాకుండా, సరైన పద్ధతిలో తీసుకుంటే అద్భుతమైన ఔషధంగా పనిచేస్తుందని ఆయుర్వేద నిపుణుడు డాక్టర్ మిహిర్ ఖత్రీ తెలిపారు. శరీరంలో టాక్సిన్స్ పెరిగి మల విసర్జనలో సమస్యలు ఉంటే బెల్లంతో శొంఠిని కలిపి తీసుకోవాలి. అజీర్తి సమస్యలకు పిప్పలి చూర్ణం, మూత్రం సాఫీగా కానప్పుడు జీలకర్రతో కలిపి బెల్లం తీసుకోవడం వల్ల తక్షణ ఉపశమనం లభిస్తుందని ఆయన వివరించారు.

పైల్స్ లేదా మొలల సమస్యతో బాధపడేవారు బెల్లంతో కరక్కాయ పొడిని కలిపి వాడాలని డాక్టర్ సూచించారు. స్వచ్ఛమైన బెల్లం మరియు ఆయా ఔషధాలను సమాన మోతాదులో కలిపి చిన్న చిన్న మాత్రల్లా చేసుకోవాలి. వీటిని ఉదయం, సాయంత్రం ఖాళీ కడుపుతో గోరువెచ్చని నీటితో తీసుకోవడం వల్ల రక్తహీనత తగ్గడమే కాకుండా ఊపిరితిత్తుల ఆరోగ్యం కూడా మెరుగుపడుతుంది. సహజ సిద్ధమైన ఈ పద్ధతులు దీర్ఘకాలిక ఆరోగ్య సమస్యలను దూరం చేస్తాయి.