ఉత్తరప్రదేశ్‌లోని ఘాజీపూర్‌లో ప్రేమ వివాహం చేసుకున్న ఓ మహిళకు అత్తారింటి వేధింపులు నరకాన్ని చూపించాయి. 2023లో కులాంతర వివాహం చేసుకున్న ఈ దంపతులు ముంబైలో నివసించేవారు. బాధితురాలు గర్భం దాల్చగా, భర్త మరియు అతని బావ కలిసి కుట్రపూరితంగా ఆమెకు అబార్షన్ చేయించారు. దీనిని నిలదీసినందుకు ఆమెపై విచక్షణారహితంగా దాడి చేయడమే కాకుండా, పుట్టింటి నుండి 3 లక్షల రూపాయలు తీసుకురావాలని వేధించడం మొదలుపెట్టారు.

మరోసారి గర్భం దాల్చినప్పటికీ భర్త కనికరం లేకుండా ఆమె సంపాదననంతా లాక్కునేవాడని బాధితురాలు ఆరోపించింది. డిసెంబర్ 1వ తేదీన మద్యం మత్తులో ఇంటికి వచ్చిన భర్త, డబ్బుల కోసం ఆమెను తీవ్రంగా కొట్టి ఇంటి నుండి వెళ్లగొట్టాడు. గత్యంతరం లేక ఘాజీపూర్ చేరుకున్న బాధితురాలు పోలీసులను ఆశ్రయించింది. ఐదుగురిపై కేసు నమోదు చేసిన పోలీసులు ఈ అమానుష ఘటనపై దర్యాప్తు చేస్తున్నారు.