நியூசிலாந்து தொடரின் ஏமாற்றத்தால் மனமுடைந்திருந்த சஞ்சு சாம்சன், இப்போது டி20 உலகக்கோப்பையின் தொடர் நாயகனாக உருவெடுத்துள்ளார். அணியில் இடம் கிடைப்பதே கேள்விக்குறியாக இருந்த நிலையில், சச்சின் டெண்டுல்கரின் வழிகாட்டுதலும் சாம்சனின் விடாமுயற்சியும் அவரை வெற்றியின் உச்சிக்கே கொண்டு சென்றது. நாக்-அவுட் சுற்றுகளில் அவர் ஆடிய அதிரடி ஆட்டம் இந்தியாவை மீண்டும் அரியணையில் ஏற்றியது.

அரை இறுதி மற்றும் இறுதிப் போட்டிகளில் அரைசதம் விளாசி, 321 ரன்களுடன் தொடர் நாயகன் விருதை வென்று சாதனை படைத்தார். 80.25 சராசரி மற்றும் 199 ஸ்ட்ரைக் ரேட்டுடன் அவர் ஆடிய விதம் கிரிக்கெட் வரலாற்றில் மிகச்சிறந்த மறுபிரவேசமாகக் கருதப்படுகிறது. 140 கோடி ரசிகர்களின் நெஞ்சங்களில் நீங்காத இடம்பிடித்து ஒரு நட்சத்திரமாக ஜொலிக்கிறார் சாம்சன்.