திருப்பூர் மாவட்டம் மடத்தூர் கிராமத்தைச் சேர்ந்த பாஸ்கரன் தனது தாயின் 16வது நாள் காரியத்திற்காக பொருட்கள் வாங்கிவிட்டு திரும்பும்போது விபத்தில் சிக்கினார். பலத்த காயமடைந்த அவர் கோவை அரசு மருத்துவமனையில் அனுமதிக்கப்பட்ட நிலையில் மூளைச்சாவு அடைந்ததாக மருத்துவர்கள் தெரிவித்தனர். இந்த சோகமான சூழலிலும் பாஸ்கரனின் குடும்பத்தினர் ஒரு உன்னதமான முடிவை எடுத்தனர்.

அவரது கண், கல்லீரல் மற்றும் சிறுநீரகங்களை தானம் செய்ய குடும்பத்தினர் முன்வந்ததால் மூன்று பேர் புதிய வாழ்வு பெறவுள்ளனர். தாயின் ஈமச்சடங்கு நாளில் மகனும் உயிரிழந்தது அப்பகுதியில் பெரும் சோகத்தை ஏற்படுத்தினாலும், அவரது உடல் உறுப்பு தானம் பலரது பாராட்டுதலையும் நெகிழ்ச்சியையும் பெற்றுள்ளது.