மத்திய கிழக்கில் போர் மேகங்கள் சூழ்ந்துள்ள நிலையில், இஸ்ரேல் பிரதமர் பெஞ்சமின் நெதன்யாகுவுடன் இணைந்து ஈரான் மீது கடும் நடவடிக்கை எடுக்கப்போவதாக அமெரிக்க அதிபர் டொனால்ட் டிரம்ப் அறிவித்துள்ளார். ஈரானுக்கு எதிரான ராணுவ நடவடிக்கைகள் அல்லது போர் நிறுத்தம் குறித்து இஸ்ரேலுடன் கலந்தாலோசித்த பிறகே இறுதி முடிவு எடுக்கப்படும் என்று அவர் தெளிவுபடுத்தியுள்ளார். இரு நாடுகளின் இந்த ஒற்றுமையே இஸ்ரேலின் பாதுகாப்பை உறுதி செய்து ஈரானின் திட்டங்களை முறியடித்துள்ளதாக டிரம்ப் குறிப்பிட்டுள்ளார்.

கடந்த பிப்ரவரி 28 அன்று ஈரானின் உயரிய தலைவர் அயதுல்லா அலி கமேனி மறைந்த பிறகு அந்த நாட்டின் சூழல் சிக்கலாகியுள்ளது. அவரது மகன் மொஜ்தபா கமேனி பொறுப்பேற்ற போதிலும், டிரம்ப் தனது கடுமையான போக்கை மாற்றிக்கொள்ளவில்லை. இந்தியா உள்ளிட்ட நாடுகள் அமைதி காக்க கோரிக்கை விடுத்தாலும், அமெரிக்கா மற்றும் இஸ்ரேலின் இந்த பிடிவாதமான அணுகுமுறை மேற்கு ஆசியாவில் பெரும் பதற்றத்தை ஏற்படுத்தியுள்ளது.