உலகக் கோப்பை இறுதிப் போட்டியில் நீண்ட கால ரன் வறட்சியை போக்கி அபிஷேக் சர்மா அதிரடி ஃபார்முக்கு திரும்பினார். நம்பிக்கையின்றி தவித்த அவர், தனது பேட்டிற்கு பதில் சக வீரர் சிவம் துபேயின் பேட்டை பயன்படுத்தி மைதானத்தில் இறங்கினார். வெறும் 18 பந்துகளில் அரைசதம் அடித்து உலகக் கோப்பையில் அதிவேக அரைசதம் கடந்த புதிய சாதனையை படைத்தார். லாக்கி பெர்குசன் ஓவரில் சிக்ஸர்களை பறக்கவிட்ட இவரது ஆட்டம் இந்திய அணிக்கு வலுவான அடித்தளத்தை அமைத்துக் கொடுத்தது.

ஆட்டத்திற்குப் பிறகு பேசிய அபிஷேக், கடினமான நேரத்தில் பயிற்சியாளர்கள் மற்றும் சக வீரர்களின் ஆதரவு தனக்கு ஊக்கமளித்ததாகக் கூறினார். சுப்மன் கில் இல்லாத நிலையில் துபேயின் பேட்டை வாங்கிய முடிவு அவருக்கு சாதகமாக அமைந்தது. அபிஷேக் 52 ரன்களில் ஆட்டமிழந்தாலும், கடைசி ஓவரில் சிவம் துபே 24 ரன்கள் குவித்து நியூசிலாந்து பந்துவீச்சாளர்களின் திட்டங்களை தவிடுபொடியாக்கி இந்திய அணியின் இமாலய ஸ்கோரை உறுதி செய்தார்.