கேரள தேர்தல் பிரச்சாரத்தில் சிபிஎம் மற்றும் பாஜக ஆகிய இரு கட்சிகளையும் ஒரே தட்டில் வைத்து ராகுல் காந்தி கடுமையாக விமர்சித்துள்ளார். அமலாக்கத்துறை மற்றும் சிபிஐ நடவடிக்கைகளில் இருந்து தப்பிக்க முதல்வர் பினராயி விஜயன் பிரதமர் மோடியுடன் சமரசம் செய்துகொண்டதாக அவர் குற்றம் சாட்டியுள்ளார். இடதுசாரிகளும் பாஜகவும் இணைந்து இப்போது ‘சிஜேபி’ என்ற பெயரில் செயல்படுவதாக அவர் சாடினார்.

ராகுல் காந்தியின் இந்த கருத்து அரசியல் வட்டாரத்தில் பெரும் விவாதத்தை கிளப்பியுள்ளது. கேரளாவின் இந்த அரசியல் சூழலை முன்வைத்து, மேற்கு வங்கத்திலும் இடதுசாரி-பாஜக கூட்டணி இருப்பதாக திரிணாமுல் காங்கிரஸ் விமர்சிக்கத் தொடங்கியுள்ளது. தேர்தலுக்கு முன்னதாக எழுந்துள்ள இந்த புதிய புகார் வாக்காளர்களின் முடிவில் முக்கிய மாற்றத்தை ஏற்படுத்தக்கூடும் என எதிர்பார்க்கப்படுகிறது.