டி20 உலகக்கோப்பை வரலாற்றில் நியூசிலாந்தை இறுதிப்போட்டியில் வென்றதில்லை என்ற குறையைத் தீர்த்து, அகமதாபாத்தில் இந்தியா சாம்பியன் பட்டம் வென்றது. இதன் மூலம் மூன்று முறை கோப்பையை வென்றதுடன், சொந்த மண்ணில் வென்ற முதல் அணி மற்றும் தொடர்ந்து இருமுறை வென்ற ஒரே அணி என்ற சாதனைகளைப் படைத்தது. சஞ்சு சாம்சனின் அதிரடி 89 ரன்கள் மற்றும் அபிஷேக், இஷான் கிஷனின் அரைசதங்களால் இந்தியா 255 ரன்கள் குவித்து வரலாற்று சாதனை படைத்தது.

இறுதிப்போட்டியில் 96 ரன்கள் வித்தியாசத்தில் வென்று இமாலய சாதனை படைத்த இந்தியா, அரையிறுதி மற்றும் இறுதிப்போட்டி இரண்டிலும் 250 ரன்களுக்கு மேல் எடுத்த முதல் அணியானது. பயிற்சியாளர் கௌதம் கம்பீர் இரண்டு ஐசிசி கோப்பைகளை வென்ற முதல் இந்திய பயிற்சியாளர் என்ற பெருமையைப் பெற்றார். பவர்பிளேயில் 92 ரன்கள் குவித்து ஆரம்பத்திலேயே ஆதிக்கத்தைச் செலுத்திய இந்திய வீரர்கள் நியூசிலாந்து பந்துவீச்சை துவம்சம் செய்து சரித்திரம் படைத்தனர்.