தமிழகத்தில் காலியாக இருந்த 6 மாநிலங்களவை இடங்களுக்கான தேர்தலில் வேட்பாளர்கள் அனைவரும் ஒருமனதாக தேர்வு செய்யப்பட்டுள்ளனர். இதற்கான அதிகாரப்பூர்வ அறிவிப்பை தேர்தல் நடத்தும் அலுவலர் இன்று வெளியிட்டார். இதில் திமுக சார்பில் திருச்சி சிவா, கான்ஸ்டன்டைன் ரவீந்திரன் மற்றும் காங்கிரஸ் சார்பில் கிறிஸ்டோபர் திலக் ஆகியோர் எம்பி-க்களாக தேர்வாகியுள்ளனர்.

எதிர்க்கட்சிகள் தரப்பில் அதிமுகவின் தம்பிதுரை மீண்டும் மாநிலங்களவைக்கு செல்கிறார். இவர்களுடன் பாமகவின் அன்புமணி ராமதாஸ் மற்றும் தேமுதிகவின் எல்.கே. சுதீஷ் ஆகியோரும் வெற்றி பெற்றுள்ளனர். வேறு யாரும் மனுத்தாக்கல் செய்யாததால் தேர்தல் களம் காணாமலேயே இவர்கள் அனைவரும் வெற்றி பெற்றதாக அறிவிக்கப்பட்டது. இவர்கள் விரைவில் உறுப்பினர்களாக பதவியேற்க உள்ளனர்.