பெங்களூரு ஒசக்கோட்டை-தேவஸ்பேட் நெடுஞ்சாலையில் வெள்ளிக்கிழமை அதிகாலை அதிவேகமாக வந்த எஸ்யூவி கார், கட்டுப்பாட்டை இழந்து ஒரு பைக் மற்றும் லாரி மீது மோதியதில் ஏழு பேர் சம்பவ இடத்திலேயே உயிரிழந்தனர். பலியானவர்களில் காரில் பயணம் செய்த ஆறு பேரும் ஒரு பைக் ஓட்டியும் அடங்குவர்.

எம் சத்யவரா கிராமம் அருகே நடந்த இந்த விபத்திற்கு காரின் அதிகப்படியான வேகமே காரணம் என்று முதற்கட்ட விசாரணையில் தெரியவந்துள்ளது. பலியானவர்கள் கோத்தனூரைச் சேர்ந்தவர்கள் என சந்தேகிக்கப்படும் நிலையில், பெங்களூரு ஊரக காவல்துறையினர் வழக்குப்பதிவு செய்து தீவிர விசாரணை நடத்தி வருகின்றனர்.