2026 டி20 உலகக்கோப்பை தொடருக்கான 15 பேர் கொண்ட ஆப்கானிஸ்தான் அணியை அந்நாட்டு கிரிக்கெட் வாரியம் அறிவித்துள்ளது. நட்சத்திர வீரர் ரஷித் கான் தலைமையிலான இந்த அணிக்கு இப்ராஹிம் சத்ரான் துணைத் தலைவராக நியமிக்கப்பட்டுள்ளார். அணியில் முக்கிய மாற்றமாக முஜீப் உர் ரஹ்மான் மற்றும் நவீன் உல் ஹக் மீண்டும் இணைந்துள்ளனர். மேலும், ஷாஹிதுல்லா கமல் மற்றும் முகமது இஷாக் ஆகியோர் உலகக்கோப்பை அணியில் இடம் பிடிப்பதில் வெற்றி பெற்றுள்ளனர்.

கடந்த முறை அரையிறுதி வரை சென்ற ஆப்கானிஸ்தான், இந்த முறை ஆசிய ஆடுகளங்களின் சாதகமான சூழலைப் பயன்படுத்தி கோப்பையை வெல்லத் துடிக்கிறது. நியூசிலாந்து மற்றும் தென்னாப்பிரிக்கா போன்ற பலமான அணிகள் உள்ள ‘குரூப் ஆஃப் டெத்’ பிரிவில் ஆப்கானிஸ்தான் இடம்பெற்றுள்ளது. அனுபவம் வாய்ந்த குல்பதின் நைப் மற்றும் ரஷித் கானின் சுழற்பந்து வீச்சு கூட்டணி எதிரணிகளுக்கு பெரும் சவாலாக அமையும் என எதிர்பார்க்கப்படுகிறது.