Punjab மாநிலம் பாட்டியாலாவில் பெரும் மோசடி கும்பலை காவல்துறை அம்பலப்படுத்தியுள்ளது. பணத்தாசை பிடித்த ஒரு பெண், ‘கொள்ளைக்கார மனைவி’ போல நடித்து, 8 மாப்பிள்ளைகளை திருமணம் செய்து, சில நாட்களிலேயே நகை மற்றும் பணத்துடன் தப்பி ஓடியுள்ளார். இந்த மோசடியில் அப்பெண்ணின் கணவர் உட்பட பல குடும்ப உறுப்பினர்களும் ஈடுபட்டுள்ளனர்; இவர்கள் போலியான உறவினர்கள் போல் நடித்து மாப்பிள்ளை வீட்டார்களின் நம்பிக்கையைப் பெறுவார்கள். திருமணம் செய்ய வயது கடந்துவிட்டவர்களை குறிவைத்து இந்தக் கும்பல் இயங்கியது.

ஒன்பதாவது திருமணத்துக்கு முன்பே போலீசார் அப்பெண்ணைக் கைது செய்து இந்த கும்பலின் சதித்திட்டத்தை முறியடித்தனர். விசாரணையில் அதிர்ச்சி தகவல் வெளிவந்தது— அந்த கொள்ளைக்கார மனைவி HIV பாசிட்டிவ். திருமணம் முடிந்த பிறகு பாதிக்கப்பட்ட மாப்பிள்ளைகளுடன் அவர் உடல் உறவு வைத்திருந்ததால், இந்த செய்தி அவர்களுக்குள் பெரும் பீதியை கிளப்பியுள்ளது. தற்போது, இந்த கும்பலின் மற்ற உறுப்பினர்களைப் பற்றிய கூடுதல் தகவல்களைப் பெற போலீசார் தீவிர விசாரணை நடத்தி வருகின்றனர்.