மத்திய கிழக்கில் போர் பதற்றம் மற்றும் உலகளாவிய எரிசக்தி தட்டுப்பாடு அபாயத்திற்கு மத்தியில் இந்திய வெளியுறவு அமைச்சர் எஸ். ஜெய்சங்கர், ஈரான் வெளியுறவு அமைச்சர் செய்யது அரகச்சியுடன் தொலைபேசி வாயிலாக அவசர ஆலோசனை நடத்தினார். ஹார்முஸ் நீரிணையில் வணிகக் கப்பல்களின் பாதுகாப்பை உறுதி செய்வது மற்றும் மேற்கு ஆசியாவின் தற்போதைய மூலோபாய சூழல் குறித்து இந்த உரையாடலில் முக்கியமாக விவாதிக்கப்பட்டது. பாரசீக வளைகுடாவில் நிலவும் அச்சுறுத்தல்கள் குறித்து இரு நாடுகளும் ஆழ்ந்த கவலையை வெளிப்படுத்தியுள்ளன.

இதற்கிடையில் பிரதமர் நரேந்திர மோடி நாட்டின் எரிசக்தி விநியோகத்தை சீராக வைத்திருக்க உயர்மட்டக் கூட்டத்தைக் கூட்டினார். அங்கு சிக்கியுள்ள இந்தியக் கப்பல்களை மீட்க கடற்படையைப் பயன்படுத்துவது குறித்தும் ஆலோசிக்கப்பட்டது. தற்போதைய சூழலின் தீவிரத்தை கருத்தில் கொண்டு டெல்லி மற்றும் தெஹ்ரான் இடையிலான தொடர்பைத் தொடர இரு தரப்பும் முடிவு செய்துள்ளன.