பிரபலமான ‘போலீஸ் போலீஸ்’ இணையத் தொடரின் படப்பிடிப்பு நிறைவடைந்ததை அடுத்து, நடிகை பார்வதி தனது சமூக வலைதள பக்கத்தில் நெகிழ்ச்சியான வீடியோ ஒன்றை வெளியிட்டுள்ளார். படப்பிடிப்பு தளத்தில் சக கலைஞர்களுடன் செலவழித்த மறக்கமுடியாத தருணங்களை ரசிகர்களுடன் பகிர்ந்து கொண்ட அவர், இந்த பயணம் தமக்கு மிகவும் ஸ்பெஷலானது என்று பதிவிட்டுள்ளார்.

ஜியோ ஹாட்ஸ்டார் ஓடிடி தளத்தில் வெளியான இந்த தொடர் ரசிகர்கள் மத்தியில் பெரும் வரவேற்பைப் பெற்றிருந்தது. மிர்ச்சி செந்தில் மற்றும் சுஜிதா தனுஷ் உள்ளிட்டோர் நடித்த இந்தத் தொடரின் வெற்றிக்காக உழைத்த தொழில்நுட்ப கலைஞர்களுக்கும் சக நடிகர்களுக்கும் பார்வதி தனது நன்றியைத் தெரிவித்துள்ளார். தற்போது இந்த வீடியோ இணையத்தில் வைரலாகி வருகிறது.