சாலைகள் மற்றும் மின் உற்பத்தி நிலையங்கள் போன்ற பெரிய உள்கட்டமைப்புத் திட்டங்களில் (Infrastructure Projects) முதலீடு செய்து வருமானம் ஈட்டும் வாய்ப்பு இனி சாதாரண முதலீட்டாளர்களுக்கும் திறக்கப்பட்டுள்ளது. இன்ஃப்ராஸ்ட்ரக்சர் இன்வெஸ்ட்மென்ட் டிரஸ்ட் (InvIT) மூலம் இது சாத்தியமாகியுள்ளது. வெறும் ₹100 முதலீட்டில் பங்குச் சந்தையில் InvIT யூனிட்களை வாங்கி, நெடுஞ்சாலைகள் அல்லது மின் பரிமாற்ற வழிகள் போன்ற பெரிய திட்டங்களின் வருமானத்தில் ஒரு பங்கைப் பெறலாம்.

சந்தை ஒழுங்குமுறை ஆணையமான செபி (SEBI)-யின் விதிகளின்படி, InvIT தனது வருமானத்தில் குறைந்தபட்சம் 90% தொகையை முதலீட்டாளர்களுக்கு டிவிடெண்ட் அல்லது வட்டி வடிவத்தில் விநியோகம் செய்வது கட்டாயமாகும். தற்போது பட்டியலிடப்பட்டுள்ள IRB InvIT, IndiGrid, Powergrid InvIT போன்ற பல்வேறு InvIT யூனிட்களை ஒரு டீமேட் கணக்கைப் பயன்படுத்தி வாங்கி, சந்தை அபாயங்களுக்கு உட்பட்டு முதலீட்டாளர்கள் வழக்கமான வருமான வாய்ப்பைப் பெறலாம்.