செய்தி பிரிவு : குழந்தை பிறந்தவுடன் அழுவது என்பது ஒரு சாதாரண நிகழ்வாகத் தெரிந்தாலும் அதன் பின்னணியில் ஒரு முக்கியமான அறிவியல் காரணம் உள்ளது. தாயின் கருப்பைக்குள் ஒன்பது மாதங்கள் பாதுகாப்பாக இருக்கும் குழந்தை, வெளியே வந்தவுடன் முதல்முறையாகச் சுதந்திரமாக சுவாசிக்கத் தொடங்குகிறது. அப்போது குழந்தையின் நுரையீரலுக்குள் காற்று வேகமாகச் செல்வதால் ஏற்படும் அழுத்தமே அழுகையாக வெளிப்படுகிறது. இந்த அழுகை குழந்தையின் சுவாசப் பாதை சீராக இயங்குவதையும் நுரையீரல் விரிவடைவதையும் உறுதி செய்கிறது.

மருத்துவ ரீதியாக குழந்தையின் இந்த அழுகை ஆரோக்கியத்தின் அடையாளமாகக் கருதப்படுகிறது. கருப்பைக்குள் இருந்த வெப்பநிலையை விட வெளி உலகத்தின் வெப்பநிலை மாறுபடுவதாலும், ஒளியின் தாக்கத்தினாலும் குழந்தைகள் அழுகின்றனர். குழந்தைகள் பிறக்கும்போது சிரிப்பதற்கான வாய்ப்பு இல்லை என்று விஞ்ஞானிகள் கூறுகின்றனர், ஏனெனில் அந்தத் தருணத்தில் அவர்களின் மூளை உணர்ச்சிகளை வெளிப்படுத்தும் அளவுக்கு வளர்ச்சி அடைந்திருப்பதில்லை. எனவே பிறந்தவுடன் குழந்தை அழுவது அதன் உயிர்நாடி துடிப்பாகவே பார்க்கப்படுகிறது.