வர்த்தமானில் உள்ள பாஜக மாவட்ட அலுவலகத்திற்கு பீகார் மாநில பதிவு எண்கொண்ட 55 புதிய பைக்குகள் வந்தது பெரும் பரபரப்பை ஏற்படுத்தியுள்ளது. சட்டப்பேரவைத் தேர்தலுக்கு முன்னதாக வன்முறையைத் தூண்டுவதற்காகவே இவை கொண்டுவரப்பட்டுள்ளதாக திரிணாமுல் காங்கிரஸ் குற்றம் சாட்டியுள்ளது. எம்.எல்.ஏ கோகன் தாஸ் தலைமையில் டிஎம்சி கட்சியினர் ரயில்வே பார்சல் அலுவலகம் முன்பு தர்ணா போராட்டத்தில் ஈடுபட்டு, பைக்குகளின் ஆவணங்களைச் சமர்ப்பிக்க வலியுறுத்தினர்.

இதற்கிடையில், இந்த குற்றச்சாட்டுகளை பாஜக தலைவர் தேப்ஜோதி சிங் ராய் மறுத்துள்ளார். ராட் பங்கா மண்டல தேர்தல் பணிகளுக்காகவே பீகாரில் இருந்து இந்த பைக்குகள் கொண்டு வரப்பட்டதாகவும், இது ஒவ்வொரு தேர்தலிலும் வழக்கமாக நடக்கும் நடைமுறைதான் என்றும் அவர் விளக்கமளித்தார். ஆளுங்கட்சி தேவையற்ற சர்ச்சையை உருவாக்குவதாக அவர் கூறினார். இருப்பினும், உரிய விளக்கம் கிடைக்கும் வரை போராட்டம் தொடரும் என திரிணாமுல் அறிவித்துள்ளது.