அமெரிக்காவின் வரி விதிப்பு மற்றும் சீனாவுடனான 100 பில்லியன் டாலர் வர்த்தகப் பற்றாக்குறை ஆகியவை இந்தியப் பொருளாதாரத்திற்கு பெரும் சவாலாக மாறியுள்ளன. சீனாவின் இறக்குமதியை அதிகம் நம்பியிருப்பது உள்நாட்டு சிறு மற்றும் நடுத்தர தொழில்களைப் பாதிப்பதாகக் கருதப்படுகிறது. இதற்குத் தீர்வாக, 2026 பட்ஜெட்டில் இறக்குமதி வரி உயர்வு மற்றும் உள்ளூர் உற்பத்திக்கான ஊக்கத்தொகை உள்ளிட்ட முக்கிய அறிவிப்புகளை மத்திய அரசு வெளியிட வாய்ப்புள்ளது.

சீனாவிலிருந்து இறக்குமதியாகும் பொறியியல் பொருட்கள் மற்றும் இயந்திரங்கள் உட்பட சுமார் 100 பொருட்களின் பட்டியலை அரசு தயாரித்துள்ளது. தற்போதைய 7.5 முதல் 10 சதவீத வரியை உயர்த்துவதன் மூலம் வர்த்தகப் பற்றாக்குறையைக் குறைக்கத் திட்டமிடப்பட்டுள்ளது. இதன் மூலம் சீனா போன்ற நாடுகளைச் சார்ந்திருப்பதைத் தவிர்த்து, இந்தியாவின் சொந்த உற்பத்தித் திறனை மேம்படுத்த அரசு தீவிரம் காட்டி வருகிறது.