லாகூரில் உள்ள செஷன்ஸ் நீதிமன்றத்தின் கூடுதல் நீதிபதியின் அறையிலிருந்து இரண்டு ஆப்பிள்கள் மற்றும் ஒரு ஹேண்ட் சானிடைசர் திருடப்பட்ட சம்பவம் பரபரப்பை ஏற்படுத்தியுள்ளது. இந்த ‘வித்தியாசமான’ திருட்டு தொடர்பாக லாகூரின் இஸ்லாம்புரா காவல் நிலையத்தில் முதல் தகவல் அறிக்கை (எஃப்ஐஆர்) பதிவு செய்யப்பட்டுள்ளது. நீதிபதியின் ரீடர் அளித்த புகாரின் பேரில், பாகிஸ்தான் தண்டனைச் சட்டம் 380-ன் கீழ் போலீசார் வழக்கு பதிவு செய்தனர். திருடப்பட்ட பொருட்களின் மொத்த மதிப்பு ₹1,000 என எஃப்ஐஆரில் குறிப்பிடப்பட்டுள்ளது.

இந்த சம்பவம் சமூக வலைதளங்களில் பெரும் விவாதப் பொருளாக மாறியுள்ளது. பயனர்கள் சிறிய பொருட்களின் திருட்டுக்காக எஃப்ஐஆர் பதிவு செய்யப்பட்டதற்கு ஆச்சரியம் தெரிவிப்பதோடு, நாட்டின் நீதி அமைப்பின் செயல்பாட்டையும் கேள்விக்குள்ளாக்குகின்றனர். ஓய்வுபெற்ற போலீஸ் அதிகாரிகள், திருட்டு சிறியதோ, பெரியதோ, புகார் வந்தால் வழக்குப் பதிவு செய்வது காவல்துறையின் கடமை என்று கூறுகின்றனர். இருப்பினும், ஏழைகள் தங்கள் வாழ்நாள் சேமிப்பை இழந்தாலும் பல நேரங்களில் அவர்களின் புகார்கள் பதிவு செய்யப்படுவதில்லை என்று பல பயனர்கள் கவலை தெரிவித்துள்ளனர்.