திருச்சி பஞ்சப்பூரில் நடைபெற்ற தேஜ கூட்டணி பொதுக்கூட்டத்தில் பங்கேற்ற பிரதமர் நரேந்திர மோடி, திமுக அரசு மத்திய அரசின் திட்டங்களைச் செயல்படுத்துவதில் மெத்தனமாக இருப்பதாகக் குற்றம் சாட்டினார். குறிப்பாக, ஏழைகளுக்கான வீடுகள் மற்றும் புல்லட் ரயில் போன்ற முக்கியத் திட்டங்களைத் தமிழகத்திற்கு கிடைக்க விடாமல் அரசியல் காரணங்களுக்காக திமுக தாமதப்படுத்துவதாக அவர் வேதனை தெரிவித்தார்.

தமிழகத்தில் பெண்களுக்கு எதிரான குற்றங்கள் அதிகரித்துள்ளதாகவும், டெல்டா விவசாயிகளின் நெல்லுக்கு உரிய விலை வழங்கப்படவில்லை என்றும் பிரதமர் குறிப்பிட்டார். வேலைவாய்ப்பு வழங்குவதாகக் கூறி அமைச்சர்களே மோசடியில் ஈடுபடுவதாகச் சாடிய அவர், மக்களின் நலனை விட திமுகவிற்கு அரசியலே முக்கியம் என்றார். தமிழகத்தின் உண்மையான வளர்ச்சிக்குத் தேசிய ஜனநாயகக் கூட்டணியே சிறந்தது என அவர் தனது உரையில் வலியுறுத்தினார்.