உங்கள் சமையலறையில் உள்ள சில சாதாரண பொருட்கள் உங்கள் ஆரோக்கியத்தை மெல்ல மெல்ல சிதைத்து வருவது உங்களுக்குத் தெரியுமா? பிரபல லேப்ராஸ்கோபிக் அறுவை சிகிச்சை நிபுணர் டாக்டர் ப்ரீத்தி மிருணாளினி இது குறித்து முக்கிய எச்சரிக்கை விடுத்துள்ளார். பிளாஸ்டிக் கட்டிங் போர்டு முதல் சுத்திகரிக்கப்பட்ட (Refined Oil) எண்ணெய் வரை நாம் தினமும் பயன்படுத்தும் பொருட்கள் உடலில் நீண்ட கால வீக்கம் மற்றும் ஹார்மோன் சமநிலையின்மையை ஏற்படுத்துகின்றன.

டாக்டர் மிருணாளினி சுட்டிக்காட்டும் முக்கிய மாற்றங்கள்:

• பிளாஸ்டிக் கட்டிங் போர்டு: பிளாஸ்டிக் பலகைகளை பயன்படுத்துவதால் உணவில் கண்ணுக்குத் தெரியாத மைக்ரோ பிளாஸ்டிக் கலக்க வாய்ப்புள்ளது. இதற்கு மாற்றாக மரப்பலகைகளை பயன்படுத்துவது சிறந்தது.
• சுத்திகரிக்கப்பட்ட எண்ணெய்: ரீஃபைன்ட் ஆயில் இதய ஆரோக்கியத்திற்கு கேடு விளைவிக்கும். பாரம்பரிய முறையில் தயாரிக்கப்பட்ட செக்கு எண்ணெய்க்கு மாறுவது குடல் ஆரோக்கியத்தை மேம்படுத்தும்.
• பாக்கெட் உணவுகள்: பதப்படுத்தப்பட்ட பாக்கெட் உணவுகள் மற்றும் கூடுதல் சர்க்கரை கொண்ட பொருட்களை தவிர்ப்பது அவசியம்.
• மலிவான சாக்லேட்டுகள்: அதிகப்படியான பிரசர்வேட்டிவ்கள் கொண்ட மலிவான இனிப்புகள் உடல் நலத்திற்கு தீங்கு விளைவிக்கும்.

குடும்பத்தின் ஆரோக்கியத்தை பாதுகாக்க சமையலறையில் உள்ள இத்தகைய நச்சுப் பொருட்களை இப்போதே அகற்றுவது புத்திசாலித்தனம் என்று அவர் வலியுறுத்தியுள்ளார்.