தெலங்கானா மாநிலம் சங்காரெட்டி மாவட்டம் அமீன்பூர் பகுதியில் கள்ளக்காதல் சந்தேகத்தால் வங்கி அதிகாரியான மனைவி அடித்துக் கொல்லப்பட்ட சம்பவம் அதிர்ச்சியை ஏற்படுத்தியுள்ளது. உயிரிழந்த பெண் கூட்டுறவு வங்கியில் உதவி மேலாளராகப் பணியாற்றி வந்தார். ரியல் எஸ்டேட் தொழில் செய்து வரும் அவரது கணவர், மனைவியின் நடத்தையில் சந்தேகமடைந்து அடிக்கடி தகராறில் ஈடுபட்டு வந்துள்ளார். கடந்த ஞாயிற்றுக்கிழமை ஏற்பட்ட வாக்குவாதத்தின் போது, ஆத்திரமடைந்த கணவர் கிரிக்கெட் மட்டையால் தாக்கியதில் அந்தப் பெண் சம்பவ இடத்திலேயே உயிரிழந்தார்.

இந்தச் சம்பவம் குறித்து அமீன்பூர் போலீசார் வழக்குப் பதிவு செய்து கணவனைக் கைது செய்துள்ளனர். குடும்பத் தகராறு மற்றும் சந்தேகமே இந்தத் துயரத்திற்குப் பின்னணியாக இருப்பதாக முதற்கட்ட விசாரணையில் தெரியவந்துள்ளது. இதற்கிடையில் ஐதராபாத்தில் மென்பொருள் பொறியாளர் ஒருவரின் முறையற்ற உறவை அவரது மனைவி அம்பலப்படுத்திய மற்றொரு சம்பவமும் பரபரப்பை ஏற்படுத்தியுள்ளது.