காதலரின் குடும்பத்தை முதல்முறையாக சந்திக்கும்போது பலருக்கும் மனதளவில் ஒருவித பதற்றம் இருப்பது இயல்பு. அவர்கள் என்ன கேட்பார்கள், அவர்களுக்கு என்னைப் பிடிக்குமா என்ற கவலைகள் இருக்கலாம். ஒரு உறவைப் பொறுத்தவரை இந்த முதல் சந்திப்பு மிகவும் முக்கியமானது. இந்தச் சமயத்தில், உங்கள் உண்மையான ஆளுமையை மறைக்க முயற்சிக்காமல் நீங்கள் யார் என்பதைப் போலவே இருங்கள். இருப்பினும், பேசும்போது கவனமாக இருப்பது மற்றும் சில முக்கியமான விஷயங்களை மனதில் கொள்வது அவசியம்.

இந்த முதல் சந்திப்பின்போது சில தவறுகளைத் தவிர்ப்பது நல்லது. உதாரணமாக, குடும்ப உறுப்பினர்கள் சொல்லும் ஏதேனும் ஒரு கருத்து உங்களுக்குப் பிடிக்கவில்லை என்றாலும்கூட, அங்கேயே சண்டை அல்லது வாக்குவாதத்தைத் தொடங்க வேண்டாம். அதற்குப் பதிலாக, அதைப் பற்றி உங்கள் காதலரிடம் பிறகு பேசுங்கள். ‘அவரை எனக்குத்தான் மிகவும் நன்றாகத் தெரியும்’ போன்ற விஷயங்களை அவரது குடும்பத்தினர் முன்னிலையில் வெளிப்படுத்துவதைத் தவிர்க்கவும். மிக முக்கியமாக, அவர்களின் மனதைக் கவர நீங்கள் உங்களைப் பற்றி எந்தப் பொய்யையும் சொல்லாதீர்கள். நீங்கள் எப்படி இருக்கிறீர்களோ, அப்படியே இருக்க முயற்சி செய்யுங்கள். ஏனெனில் எதிர்காலத்தில் பொய்கள் வெளிவந்தால் உறவில் கசப்புணர்வு அதிகரிக்கலாம்.