இந்தியாவின் பசுமை எரிசக்தி பயணம் புதிய மைல்கல்லை எட்டியுள்ளது. நாடு முழுவதும் 132 அழுத்தப்பட்ட உயிரி எரிவாயு (CBG) ஆலைகள் அமைக்கப்பட்டு, தினமும் 920 டன் எரிபொருள் உற்பத்தி செய்யப்படுவதாக மத்திய அமைச்சர் ஹர்தீப் சிங் புரி தெரிவித்துள்ளார். ‘சடாட்’ (SATAT) திட்டத்தின் கீழ் விவசாயக் கழிவுகள் தூய்மையான எரிசக்தியாக மாற்றப்படுவதால், கிராமப்புற வருமானம் அதிகரிப்பதோடு சுற்றுப்புறச் சூழல் மாசும் பெருமளவு குறைகிறது.

எரிசக்தி பாதுகாப்பை உறுதி செய்ய, 2025 டிசம்பருக்குள் எண்ணெய் மற்றும் எரிவாயு சார்ந்த 50 புதிய ஆய்வுத் திட்டங்கள் தொடங்கப்பட உள்ளன. இதற்காக OALP மற்றும் DSF முறைகளின் கீழ் ஏலங்கள் விடப்பட்டு வருகின்றன. புதிய சட்டத் திருத்தங்கள் மூலம் எரிசக்தி துறையில் தொழில் செய்வது எளிதாக்கப்பட்டுள்ளதால், உள்நாட்டு எரிபொருள் உற்பத்தி எதிர்காலத்தில் மேலும் வலுவடையும் என்று எதிர்பார்க்கப்படுகிறது.