பிரதமர் அலுவலகம், நிதி ஆயோக் மற்றும் இஸ்ரோ போன்ற 25-க்கும் மேற்பட்ட உயர்மட்ட அரசு நிறுவனங்களில் 2026 ஆம் ஆண்டு பயிற்சி பெற பட்டதாரிகளுக்கு வாய்ப்பு வழங்கப்பட உள்ளது. இந்த இன்டர்ன்ஷிப் திட்டங்களுக்கான விண்ணப்பங்கள் 2026 ஜனவரி முதல் மார்ச் மாதத்திற்குள் தொடங்கும் என எதிர்பார்க்கப்படுகிறது. சுமார் 2 முதல் 6 மாதங்கள் வரை நீடிக்கும் இந்தப் பயிற்சிகள், நாட்டின் நிர்வாகம் மற்றும் பொதுக் கொள்கைகளை நேரடியாகக் கற்றுக்கொள்ள சிறந்த தளமாக அமையும்.

இந்தப் பயிற்சியின் மூலம் இளம் பட்டதாரிகள் ஐஏஎஸ் மற்றும் ஐபிஎஸ் அதிகாரிகளின் வழிகாட்டுதலின் கீழ் பணியாற்றும் வாய்ப்பைப் பெறுவார்கள். இது மாணவர்களின் எதிர்கால வாழ்க்கைக்கு வலுசேர்ப்பதுடன் நாட்டின் முக்கிய முடிவெடுக்கும் செயல்முறைகளை அருகில் இருந்து புரிந்துகொள்ள உதவும். தகுதியுள்ள விண்ணப்பதாரர்கள் அந்தந்த நிறுவனங்களின் அதிகாரப்பூர்வ அறிவிப்புகளைப் பின்பற்றி தங்கள் விண்ணப்பங்களைச் சமர்ப்பிக்கலாம்.