இந்தியாவும் பாகிஸ்தானும் தங்களின் அணுசக்தி அமைப்புகளின் பட்டியலை வியாழக்கிழமை அன்று பரஸ்பரம் பகிர்ந்து கொண்டன. 1988 ஆம் ஆண்டு கையெழுத்தான இருதரப்பு ஒப்பந்தத்தின்படி 2026 ஆம் ஆண்டின் தொடக்கத்திலும் இந்த நடைமுறை கடைபிடிக்கப்பட்டது. கடந்த 1992 ஆம் ஆண்டு முதல் எத்தகைய சூழலிலும் தடையின்றி தொடர்ந்து 34 வது முறையாக இந்த தகவல் பரிமாற்றம் நடைபெற்றுள்ளது.

எந்தவொரு போர் அல்லது பதற்றமான சூழ்நிலையிலும் ஒருவருக்கொருவர் அணுசக்தி நிலையங்கள் மீது தாக்குதல் நடத்தக்கூடாது என்பதே இந்த ஒப்பந்தத்தின் முக்கிய நோக்கமாகும். இதில் அணுமின் நிலையங்கள் மற்றும் ஆராய்ச்சி மையங்களின் இருப்பிடங்கள் குறித்த துல்லியமான தகவல்கள் இடம் பெற்றுள்ளன. இரு நாடுகளின் வெளியுறவு அமைச்சகங்கள் தூதரக ரீதியாக இந்த பட்டியலை வெற்றிகரமாக பரிமாறிக் கொண்டன.