அசைவ உணவு பிரியர்களுக்கு புரதச்சத்தின் முக்கிய ஆதாரமாக விளங்குவது ஆட்டிறைச்சியும் கோழி இறைச்சியும் ஆகும். இருப்பினும் ஊட்டச்சத்து மற்றும் ஆரோக்கியத்தின் அடிப்படையில் தோல் நீக்கப்பட்ட கோழி இறைச்சியே சிறந்தது என்று நிபுணர்கள் கருதுகின்றனர். நேஷனல் லைப்ரரி ஆஃப் மெடிசின் ஆய்வின்படி நூறு கிராம் கோழி இறைச்சியில் முப்பத்தியொரு கிராம் புரதம் மற்றும் மிகக்குறைந்த அளவு கலோரிகளே உள்ளன. இது எளிதில் செரிமானம் அடையக்கூடியது மற்றும் இதய ஆரோக்கியத்திற்கு பாதுகாப்பானது. உடல் எடையை குறைக்க விரும்புபவர்களுக்கும் தசை வளர்ச்சிக்கும் கோழி இறைச்சி ஒரு சிறந்த தேர்வாகும்.

அதே சமயம் ஆட்டிறைச்சியில் புரதத்தை விட கொழுப்பு மற்றும் கலோரிகளே அதிகம் உள்ளன. அதிகப்படியான ஆட்டிறைச்சி உட்கொள்வது கொழுப்பின் அளவை அதிகரித்து இதய நோய் அபாயத்தை உண்டாக்கும். குறிப்பாக நீரிழிவு மற்றும் ரத்த அழுத்த நோயாளிகள் அடிக்கடி ஆட்டிறைச்சி உண்பதைத் தவிர்க்க வேண்டும். வாரத்திற்கு இரண்டு முதல் நான்கு முறை கோழி இறைச்சி சாப்பிடலாம் என்றாலும் ஆட்டிறைச்சியை வாரத்திற்கு ஒரு முறை அல்லது பதினைந்து நாட்களுக்கு ஒரு முறை மட்டுமே உணவில் சேர்த்துக் கொள்வது ஆரோக்கியத்திற்கு உகந்தது என்று மருத்துவர்கள் அறிவுறுத்துகின்றனர்.