அசாம் முதல்வர் ஹிமந்த விஸ்வ சர்மா துப்பாக்கியால் சுடுவது போன்ற சர்ச்சைக்குரிய ஏஐ வீடியோவை பாஜக நீக்கியுள்ள நிலையில், காங்கிரஸ் எம்பி கௌரவ் கோகோய் மீது முதல்வர் கடுமையான புகார்களை சுமத்தியுள்ளார். கோகோய் மற்றும் அவரது பிரிட்டிஷ் மனைவிக்கு பாகிஸ்தானுடன் ஆழமான தொடர்பு இருப்பதாகவும், அவர்கள் தேசவிரோத சதியில் ஈடுபட்டதாகவும் குற்றம் சாட்டிய சர்மா, இது குறித்து மத்திய முகமை விசாரணைக்கு பரிந்துரைத்துள்ளார்.

மறுபுறம், இந்த புகார்களை முற்றிலுமாக மறுத்துள்ள கௌரவ் கோகோய், முதல்வரின் செய்தியாளர் சந்திப்பை ‘சி-கிரேடு சினிமா’ என்று விமர்சித்துள்ளார். பாஜக அரசின் நில அபகரிப்பு புகார்களில் இருந்து திசைதிருப்பவே இத்தகைய ஆதாரமற்ற குற்றச்சாட்டுகள் கூறப்படுவதாக காங்கிரஸ் தெரிவித்துள்ளது. கோகோய் குடும்பத்தினரின் நற்பெயருக்கு களங்கம் விளைவிப்பதாக கூறி, முதல்வரின் இச்செயலுக்கு எதிர்க்கட்சிகள் கடும் கண்டனம் தெரிவித்துள்ளன.