பெங்களூரு உத்தராஹள்ளி பகுதியில் ஸ்ரீலட்சுமி என்ற பெண் தனது வீட்டில் மர்மமான முறையில் உயிரிழந்து கிடந்தார். வேலைக்குச் சென்ற அவரது கணவர் பலமுறை போன் செய்தும் பதிலில்லாததால் வீடு திரும்பியபோது, ரத்த காயங்களுடன் மனைவி சடலமாக கிடப்பதைக் கண்டு அதிர்ச்சியடைந்தார். அவரது கழுத்தில் இருந்த தங்கத் தாலிச் சங்கிலியும் திருடப்பட்டிருந்தது தெரியவந்தது.

இது தொடர்பாக அதே வீட்டில் வசித்து வந்த வாடகைதாரர்களான பிரசாத் மற்றும் சாக்ஷி தம்பதியினரை போலீசார் கைது செய்தனர். விசாரணையில் நகைகளுக்காக அவர்கள் கொலை செய்ததை ஒப்புக்கொண்டனர். மற்றொரு சம்பவத்தில், இன்ஸ்டாகிராம் மூலம் பிரச்சனைகளைத் தீர்ப்பதாகக் கூறி 24 லட்சம் ரூபாய் மோசடி செய்த வாசுதேவ் என்பவரையும் பெங்களூரு போலீசார் கைது செய்து சிறையிலடைத்தனர்.