கூகுள் மேப்ஸ் தனது தளத்தில் ஜெமினி ஏஐ தொழில்நுட்பத்தை இணைத்துள்ளதால் இனி பாதசாரிகள் மற்றும் சைக்கிள் ஓட்டுபவர்கள் குரல் வழி உதவியைப் பெற்று எளிதாகப் பயணிக்கலாம். ஆண்ட்ராய்டு மற்றும் ஐஓஎஸ் பயனர்களுக்குக் கிடைக்கும் இந்த வசதியுடன் இருசக்கர வாகன ஓட்டிகளுக்காக எட்டு புதிய அவதாரங்களும் அறிமுகம் செய்யப்பட்டுள்ளன. மேலும் ஒன்பது இந்திய மொழிகளில் குரல் வழி வழிகாட்டுதலைப் பெறும் வசதியையும் கூகுள் மேம்படுத்தியுள்ளது.

தேசிய நெடுஞ்சாலை ஆணையத்துடன் இணைந்து சாலைத் தடைகள் மற்றும் கட்டுமானப் பணிகள் குறித்த நேரடித் தகவல்களை இனி மேப்ஸிலேயே தெரிந்துகொள்ளலாம். சில நகரங்களில் மெட்ரோ ரயில் டிக்கெட்டுகளை முன்பதிவு செய்யும் வசதி மற்றும் மின்சார வாகன சார்ஜிங் நிலையங்களைக் கண்டறியும் வசதி போன்ற பல மாற்றங்கள் செய்யப்பட்டுள்ளன. உங்கள் பயண நேரத்தை நண்பர்களுடன் பகிர்ந்து கொள்வதும் இனி மிகவும் எளிதாக இருக்கும்.