మైనర్ బాలికపై అత్యాచారం కేసులో ఢిల్లీలోని రోహిణి కోర్టు న్యాయమూర్తి రజని రంగా దోషికి జీవితాంతం జైలు శిక్ష విధిస్తూ సంచలన తీర్పునిచ్చారు. సంప్రదాయ చట్టపరమైన భాషను పక్కనబెట్టి, న్యాయమూర్తి నేరుగా బాధితురాలిని ఉద్దేశించి ఒక అత్యంత భావోద్వేగ సందేశాన్ని రాశారు. నేరస్థుడు ఎప్పటికీ సమాజంలోకి రాకుండా కోర్టు కఠిన నిర్ణయం తీసుకుంది.

బాధితురాలి ధైర్యానికి ప్రశంస తన తీర్పులో న్యాయమూర్తి రాస్తూ, “నువ్వు అత్యంత ధైర్యవంతురాలవైన అమ్మాయివి. నిన్ను బాధించిన వ్యక్తి ఇక ఎప్పటికీ స్వేచ్ఛగా బయటకు రాలేడు. అతడు జైల్లోనే వృద్ధుడై అక్కడే మరణిస్తాడు” అని పేర్కొన్నారు. బాధితురాలి విజ్ఞప్తిని మరియు ధైర్యాన్ని పరిగణనలోకి తీసుకుని దోషిని జీవితాంతం జైలులోనే ఉంచాలని కోర్టు ఆదేశించింది.

ప్రతినిధి: వర్తమాన్ ఠాకూర్.