ఆసియా క్రీడల్లో భారత క్రీడాకారులు తమ పతకాల వేటను ఘనంగా కొనసాగిస్తున్నారు. మహిళల ట్రాప్ షూటింగ్ విభాగంలో 26 ఏళ్ల నీరు ధాండా చారిత్రాత్మక బంగారు పతకాన్ని సాధించి కొత్త రికార్డు నెలకొల్పారు. ఈ విభాగంలో స్వర్ణం సాధించిన తొలి భారతీయ మహిళగా ఆమె చరిత్ర పుటల్లోకి ఎక్కారు. ఈ టోర్నీలో భారత్‌కు ఇది 5వ పసిడి పతకం కాగా, వ్యక్తిగత విభాగంలో నమోదైన మొదటి స్వర్ణం కావడం విశేషం.

చైనాను వెనక్కి నెట్టి అగ్రస్థానం అత్యంత ఉత్కంఠభరితంగా సాగిన ఫైనల్లో నీరు ధాండా 30 లక్ష్యాలకు గాను 28 సార్లు ఖచ్చితమైన లక్ష్యాన్ని ఛేదించి మొదటి స్థానంలో నిలిచారు. చైనాకు చెందిన సన్ యునాంగ్‌ను (26 పాయింట్లు) రెండో స్థానానికి పరిమితం చేస్తూ ఆమె స్వర్ణాన్ని కైవసం చేసుకున్నారు. కువైట్‌కు చెందిన హాజర్ అబ్దుల్ మాలిక్ (21 పాయింట్లు) కాంస్య పతకాన్ని గెలుచుకున్నారు. ఈ విజయంతో భారత్ పతకాల సంఖ్య 46కు చేరింది.

ప్రతినిధి: వర్తమాన్ ఠాకూర్.