ఆన్‌లైన్ ఆర్డర్లు ఇచ్చేటప్పుడు అడ్రస్ స్పష్టంగా ఉన్నప్పటికీ డెలివరీ ఏజెంట్లు లొకేషన్ కోసం పదేపదే ఫోన్ చేస్తుంటారు. ఈ ఇబ్బందిని తొలగించేందుకు ‘డిజి పిన్’ (DIGI PIN) లేదా డిజిటల్ గేట్ పిన్ అద్భుతంగా పనిచేస్తుంది. ఇది మీ ఇంటి గుమ్మం వరకు ఖచ్చితమైన డిజిటల్ లొకేషన్‌ను చూపిస్తుంది. గూగుల్ మ్యాప్స్‌లోని ‘ప్లస్ కోడ్’ నే డిజి పిన్ అని పిలుస్తారు. దీని ద్వారా డెలివరీ బాయ్స్ ఎక్కడా తడబడకుండా నేరుగా మీ ఇంటి వద్దకు చేరుకోగలుగుతారు.

మీ ఇంటి డిజి పిన్‌ను తెలుసుకోవడం చాలా సులభం. గూగుల్ మ్యాప్స్ యాప్‌లో మీ ఇంటి లొకేషన్‌పై లాంగ్ ప్రెస్ చేస్తే కింద కనిపించే ప్లస్ కోడ్ లేదా లొకేషన్ కోడ్ మీ డిజి పిన్ అవుతుంది. ఆన్‌లైన్ షాపింగ్ సమయంలో అడ్రస్‌తో పాటు ఈ పిన్‌ను కూడా జోడిస్తే డెలివరీ వేగంగా పూర్తి అవుతుంది. కేవలం డెలివరీకే కాకుండా ట్యాక్సీ బుకింగ్ మరియు అత్యవసర సేవల కోసం కూడా ఈ డిజి పిన్ షేర్ చేయడం వల్ల సమయం ఆదా అవుతుంది.