టీమిండియా టీ20 కెప్టెన్ సూర్యకుమార్ యాదవ్‌పై బాలీవుడ్ నటి ఖుషీ ముఖర్జీ ఆసక్తికర వ్యాఖ్యలు చేశారు. గతంలో సూర్యకుమార్ తనకు తరచుగా మెసేజ్‌లు పంపేవారని, అయితే ప్రస్తుతం తాము మాట్లాడుకోవడం లేదని ఆమె వెల్లడించారు. తాను ఏ క్రికెటర్‌తోనూ డేటింగ్ చేయాలనుకోవడం లేదని, ఇలాంటి రూమర్లకు దూరంగా ఉండటమే తనకు ఇష్టమని ఆమె స్పష్టం చేశారు.

మరోవైపు ఈ వార్తలు వైరల్ అవుతున్న తరుణంలో సూర్యకుమార్ తన భార్య దేవిషాతో కలిసి తిరుమల శ్రీవారిని దర్శించుకున్నారు. వైకుంఠ ఏకాదశి సందర్భంగా ప్రత్యేక పూజల్లో పాల్గొన్న ఆయన, ఆలయ నిబంధనల ప్రకారం స్వామివారి ఆశీస్సులు పొందారు. దక్షిణాఫ్రికాపై సిరీస్ విజయం తర్వాత, జనవరిలో న్యూజిలాండ్‌తో జరగనున్న టీ20 సిరీస్‌లో భారత జట్టును నడిపించేందుకు సూర్య సిద్ధమవుతున్నారు.