గడిచిన ఐదేళ్ల కాలంలో పతంజలి ఫుడ్స్ తన ఇన్వెస్టర్లకు సుమారు 57 శాతం మేర భారీ లాభాలను అందించింది. హిందుస్థాన్ యూనిలీవర్, డాబర్ మరియు నెస్లే వంటి అగ్రగామి ఎఫ్ఎంసిజి కంపెనీల కంటే పతంజలి మెరుగైన పనితీరు కనబరిచింది. నెస్లే ఇండియా 39 శాతం లాభాన్ని ఇవ్వగా, హెచ్యూఎల్ మరియు డాబర్ ఇండియా షేర్లు నష్టాల్లో కొనసాగడం గమనార్హం.

ఎన్ఎస్ఈ గణాంకాల ప్రకారం, ఐదేళ్ల క్రితం 347 రూపాయలుగా ఉన్న పతంజలి షేరు ధర ప్రస్తుతం 544 రూపాయలకు పైగా ట్రేడవుతోంది. రాబోయే రోజుల్లో ఈ సంస్థ తన వ్యాపారాన్ని మరింత విస్తరించే అవకాశం ఉన్నందున, షేరు ధర ఇంకా పెరిగే అవకాశం ఉందని నిపుణులు అంచనా వేస్తున్నారు. దీంతో మార్కెట్ దిగ్గజాలకు పతంజలి గట్టి పోటీనిస్తోంది.