1965లో చైనాపై నిఘా ఉంచేందుకు సిఐఏ మరియు ఐబి కలిసి నందాదేవి శిఖరంపై ప్లూటోనియం ఆధారిత అణు పరికరాన్ని అమర్చాలని ప్రయత్నించాయి. అయితే భారీ మంచు తుఫాను కారణంగా పర్వతారోహకులు ఆ పరికరాన్ని అక్కడే వదిలేసి వచ్చారు. మరుసటి ఏడాది వెతికినా ఆ పరికరం జాడ దొరకలేదు, అది మంచు కింద పూడిపోయిందని భావిస్తున్నారు.

ఈ పరికరం నుండి రేడియోధార్మికత వెలువడితే గంగానది నీరు కలుషితమయ్యే ప్రమాదం ఉందని నిపుణులు హెచ్చరిస్తున్నారు. నందాదేవి హిమానీనదాలు గంగకు ప్రధాన వనరు కావడంతో, ఈ అణు ఇంధనం కోట్లాది మంది ప్రజల ఆరోగ్యానికి ముప్పుగా మారే అవకాశం ఉంది.