ఉక్రెయిన్‌తో యుద్ధం కారణంగా రష్యాలో కార్మికుల కొరత ఏర్పడటంతో భారతీయ నిపుణులకు డిమాండ్ పెరిగింది. గత నాలుగేళ్లలో రష్యాకు వెళ్లే భారతీయుల సంఖ్య 60 శాతం పెరగడం విశేషం. ముఖ్యంగా కన్స్ట్రక్షన్, ఆయిల్ అండ్ గ్యాస్ రిఫైనరీ రంగాలలో నెలకు రూ. 50 వేల నుండి రూ. 1.5 లక్షల వరకు జీతం లభిస్తోంది. ఐటీ మరియు ఇంజనీరింగ్ రంగాల్లోని నిపుణులకు మరింత మెరుగైన ప్యాకేజీలు అందుబాటులో ఉన్నాయి.

రష్యాలోని కంపెనీలు ఉచిత వసతి మరియు భోజన సౌకర్యాలను కూడా కల్పిస్తున్నాయి. వెల్డర్లు, ఎలక్ట్రీషియన్లు, డ్రైవర్లు మరియు ఫ్యాక్టరీ ఆపరేటర్లకు అక్కడ భారీగా అవకాశాలు ఉన్నాయి. ఆసక్తి గల వారు గుర్తింపు పొందిన ఏజెన్సీల ద్వారా దరఖాస్తు చేసుకోవాలని మరియు వర్క్ వీసా వంటి కీలక పత్రాలను సిద్ధం చేసుకోవాలని నిపుణులు సూచిస్తున్నారు. 2024లో రష్యా సుమారు 72,000 మంది భారతీయులకు వర్క్ పర్మిట్లు జారీ చేయడం గల్ఫ్ దేశాలకు ప్రత్యామ్నాయంగా రష్యా మారుతోందని నిరూపిస్తోంది.